Kuntee Ka Tyaag Story ( कुंती का त्याग ) In
paandav apanee maan kuntee ke saath idhar se udhar bhraman kar rahe the| ve braahmanon ka vesh dhaaran kie hue the| bhiksha maangakar khaate the aur raat mein vrksh ke neeche so jaaya karate the| bhaagy aur samay kee yah kaisee adbhut leela hai| jo paandav hastinaapur raajy ke bhaageedaar hain aur jo saare jagat ko apanee mutthee mein karane mein samarth hain, unheen ko aaj bhiksha par jeevan-yaapan karana pad raha hai|
dopahar ke baad ka samay tha| paandav apanee maan kuntee ke saath van ke maarg se aage badhate ja rahe the| sahasa unhen vedavyaas jee dikhaee pade| kuntee daudakar vedavyaas jee ke charanon mein gir padee| unake charanon ko pakadakar bilakh-bilakh kar rone lagee| usane apane aansuon se unake charanon ko dhote hue unhen apanee pooree kahaanee suna dee|
kuntee ka tyaag Story ( कुंती का त्याग ) in continue...
sacrifice-of-kunti-story-in-english.
vedavyaas jee ne kuntee ko dhairy bandhaate hue kaha, "aansoo bahaane se kuchh nahin hoga| jo oopar pada hain, use dhairy se sahan karo| jab achchhe din aaenge, phir sabakuchh theek ho jaega| chalo, mere saath chalo| main tumhen ek sthaan batae de raha hoon| kuchh dinon tak vaheen rahakar samay kaato|"
vedavyaas jee paandavon ko ek nagar mein le gae| us nagar ka naam ekachakra tha| aaj ke bihaar raajy mein, shaahaabaad jile mein aara naamak ek bada nagar hai| mahaabhaarat kaal mein aara ko hee ekachakra ke naam se pukaara jaata tha| un dinon ekachakra mein keval braahman hee nivaas karate the| vedavyaas jee paandavon ko ekachakra mein pahunchaakar chale gae| paandav ek braahman ke ghar mein nivaas karane lage| paanchon bhaee pratidin bhiksha maangane ke lie jaaya karate the| bhiksha mein jo ann milata tha, usee se apane jeevan ka nirvaah karate the|
un dinon ekachakra mein ek raakshas ke dvaara bade joron ka aatank phaila hua tha| us raakshas ka naam bak tha| vah din mein van mein chhipa rahata tha| raat mein baahar nikalata tha aur ekachakra mein ghus jaata tha| jise bhee paata tha, maar daalata tha| khaata to ek hee do aadamee ko tha, par pandrah-bees aadamiyon ke praan roj jaate the| aakhir ekachakra ke nivaasiyon ne bak se ek samajhauta kiya - pratidin nagar ka ek aadamee apane aap hee bak ke paas pahunch jaaya karega aur bak use maarakar kha liya karega| ek hee aadamee kee jaan jaegee, vyarth mein maare jaane vaale log bach jaaya karenge|
bak ne bhee is samajhaute ko sveekaar kar liya| use jab baithe-bithae hee bhojan mil jaata tha, to vah samajhaute ko sveekaar na karata to kya karata? usane samajhaute ko sveekaar karate hue chetaavanee de rakhee thee ki agar samajhaute ka ullanghan kiya gaya to vah ekachakra ko ujaadakar mittee mein mila dega| bas, usee din se kram-kram se ek ghar ka ek aadamee bak ke paas jaane laga, bak use khaakar apanee kshudhaagni ko shaant karane laga| sanyog kee baat, ek din us braahman ke ghar kee baaree aa gaee, jisake ghar mein paandav apanee maan ke saath nivaas karate the| dopahar ke poorv ka samay tha| kuntee apane kamare mein baithee huee thee| us din bheem kisee kaaranavash bhiksha maangane nahin gaya tha| vah bhee kamare ke bheetar, kuntee ke paas hee maujood tha|
sahasa kuntee ke kaanon mein kisee ke rone kee aavaaj aaee| rone aur vilaap karane ka vah svar us braahman ke kamare se aa raha tha, jisake ghar mein vah thaharee huee thee| jab kuntee se vilaap ka yah sakarun svar suna nahin gaya, to vah braahman ke kamare mein ja pahunchee| usane vahaan jo kuchh dekha usase vah sannaate mein aa gaee|
braahman ke kutumb mein kul teen hee praanee the - braahman-braahmanee aur usaka ek yuva putr| teenon bilakh-bilakhakar ro rahe the, "haay, haay, ab kya hoga? ab to sabakuchh mittee mein milakar rahega|"
kuntee ne teenon ko rota hua dekhakar braahman se poochha, "vipravar, aap teenon is prakaar kyon ro rahe hain? kya main jaan sakatee hoon ki kis daarun kasht ne aap teenon ko atyant dukhee bana rakha hai?"
braahman ne aankhon se aansuon kee boonden giraate hue uttar diya, "bahan, tum sunakar kya karogee? hamaara kasht ek aisa kasht hai, jise koee door nahin kar sakata|"
kuntee ne sahaanubhooti bhare svar mein kaha, "ham to gareeb braahman hain| sach hai, ham aapake kasht ko door nahin kar sakate, kintu phir bhee sunane mein harj hee kya hai? ho sakata hai, ham aapake kuchh kaam aa jaen|"
jab kuntee ne bahut aagrah kiya to braahman ne bak raakshas kee pooree kahaanee use suna dee| kahaanee sunaakar usane sisakate hue kaha, "bahan ! ham kul teen hee praanee hain| yadi koee ek raakshas ke paas jaata hai, to vah use maarakar kha jaega| hamaara ghar barabaad ho jaega| isalie ham sochate hain ki ham teenon hee raakshas ke paas chale jaenge| ham isalie ro rahe hain, aaj ham teenon ke jeevan ka ant ho jaega|"
braahman kee karun katha sunakar kuntee badee dukhee huee| vah man hee man kuchh kshanon tak sochatee rahee, phir bolee, "vipravar ! main ek baat kahatee hoon, use dhyaan se sunie| mere paanch putr hain| aaj main apane ek putr ko aapake kutumb kee or se raakshas ke paas bhej doongee| yadi raakshas mere putr ko kha jaega, to bhee mere chaar putr shesh rahenge|"
kuntee kee baat sunakar braahman stabdh rah gaya| usane paropakaar mein dhan dene vaalon kee kahaaniyaan to bahut sunee theen, par putr dene vaalee baat aaj usane pahalee baar sunee| vah kuntee kee or dekhata hua bola, "bahan, tum to koee svarg kee devee gyaat ho rahee ho| mujhe is baat par garv hai ki tumhaaree jaisee devee mere ghar mein atithi ke roop mein hai| tum mere lie poojyaneey ho| main apane atithi se pratidaan loon, yah adharm mujhase nahin ho sakega| main mit jaoonga, par main atithi ko kasht mein nahin padane doonga|"
braahman kee baat sunakar kuntee bolee, "aapane hamen aashray dekar ham par bada upakaar kiya hai| aap hamaare upakaaree hain| hamaara dharm hai ki aapako kasht mein na padane den| aap apane dharm ka paalan to karana chaahate hain, par hamen apane dharmapaalan se kyon rok rahe hain?"
kuntee ne jab bahut aagrah kiya to braahman ne usakee baat maan lee| usane dabe svar mein kaha, "achchhee baat hai bahan ! eeshvar tumhaara bhala kare|"
kuntee braahman ke paas se uthakar bheem ke paas gaee| usane pooree kahaanee bheem ko sunaakar usase kaha, "beta, paropakaar se badhakar doosara koee dharm nahin hota| tum braahman kutumb kee or se bak ke paas jao| yadi bak tumhen maarakar kha jaega, to mujhe prasannata hogee ki mera beta paropakaar kee vedee par balidaan ho gaya|"
bheem ne bade harsh ke saath apanee maan kee aagya ko sveekaar kar liya| usane kaha, "maan, tumhaaree aagya shirodhaary hai| bak mujhe kya maarakar khaega, tumhaare aasheervaad se main use mittee mein mila doonga|"
sandhya ka samay tha bheem ek gaadee ke oopar khaane-peene ka saamaan laadakar use kheenchata hua bak ke nivaas sthaan kee or chal pada| vah bak ke nivaas par pahunchakar gaadee par lade hue khaane ke saamaan ko svayan khaane laga| bak kupit ho utha| vah garajata hua bola, "ek to tum der se aae ho aur oopar se mera bhojan kha rahe ho?" itana kahakar vah bheem par toot pada| bheem to pahale hee taiyaar tha| donon mein mallayuddh hone laga| donon kee garjana aur taal thonkane ke shabdon se vaayumandal goonj utha| bak ne bada prayatn kiya ki vah bheem ko mallayuddh mein pachhaad de, par vah saphal nahin hua| vah svayan bheem kee pakad mein aa gaya| bheem ne use dharatee par giraakar, usake gale ko itane joron se dabaaya ki usakee jeebh baahar nikal aaee| vah praanashoony ho gaya| bheem ne use uthaakar nagar ke phaatak ke paas phenk diya|
udhar, sandhya samay chaaron bhaee bhikshaatan se laute, to kuntee se sabakuchh sunakar ve bade dukhee hue| unhonne apanee maan se kaha, "tumane bheem ko akele bhejakar achchha nahin kiya| ham bhaiyon mein vahee ek aisa hai, jo sankat ke samay kaam aata hai|"
kuntee ne apane putron ko samajhaate hue kaha, "tum chinta kyon karate ho? tum dekhoge ki mera bheem bak ko mittee mein milaakar aaega|"
phir chaaron bhaee bheem ka pata lagaane ke lie chal pade| ve abhee kuchh hee door gae the ki bheem apanee mastee mein jhoomata hua aata dikhaee pada| chaaron bhaee daudakar bheem se lipat gae| bheem ne unhen bataaya ki usane kis tarah atyaachaaree bak ko nark mein pahuncha diya hai|
bheem ne ghar pahunchakar apanee maan ke charan sparsh kie| usane kaha, "maan, tumhaare aasheervaad se mainne bak ka sanhaar kar diya| ab ekachakra ke nivaasee sada-sada ke lie bhayamukt ho gae|"
kuntee ne bheem ka mukh choomate hue kaha, "beta bheem ! mujhe tumase yahee aasha thee| mainne iseelie to tumhen bak ke paas bheja tha|"
prabhaat hone par ekachakra nivaasiyon ne nagar ke phaatak par bak ko mrt avastha mein pada hua dekha| unhen jahaan prasannata huee, vahaan aashchary bhee hua - bak ka vadh kisane kiya? kya braahman ne? ekachakra ke nivaasee daude-daude braahman ke ghar pahunchane lage| thodee hee der mein braahman ke dvaar par bahut badee bheed ekatrit ho gaee| braahman ke jayanaad se dharatee aur aakaash goonjane laga|
braahman ne bheed ko shaant karate hue kaha, "bhaiyo ! bak ka vadh mainne nahin kiya hai| usaka vadh to mere ghar mein thaharee huee braahmanee ke bete ne kiya hai|" ekachakra ke nivaasee is baat ko to jaan gae ki bak ka vadh braahman ke ghar mein tikee huee braahmanee ke ek bete ne kiya hai, kintu adhik prayatn karane par bhee ve yah nahin jaan sake ki braahmanee kaun hai aur usake paanchon bete kaun hain?
kintu jaanane par bhee yah to hua hee ki ekachakra nivaasee braahmanee aur usake putron ka bada aadar karane lage| svayan braahman bhee garv ka anubhav karane laga ki jis braahmanee ke putr ke ekachakra ke nivaasiyon ko sada-sada ke lie sankat mukt kara diya hai, vah usake ghar mein atithi ke roop mein tikee huee hai|
Comment मे बताओ kesi लगी स्टोरी..
0 Comments